For di inicio di e Gobernacion nobo aki, Minister Chris Romero ta pendiente di e necesidadnan di e cunukeronan local y ta al tanto cu nan mester di un solucion duradero pa cu e problema di scarsedad di awa y su prijs.
Aruba, den e lunanan di februari pa october di cada aña, conoce un secura enorme. Esaki ta pone cu e awa cu a logra colecta durante november pa januari, no ta yega pa agricultura y cria di bestia. Uza awa di bebe pa cunucu ta costa basta placa, cual tampoco ta bira un alternativa.
Pa sostene cada cunukero, siman pasa Minister Romeroa reuni cu compania nacional WEB NV, pa asina conhuntamente yega na posibel solucionnan.
A keda palabra cu na maart 2018 lo presenta un solucion na termino corto y tambe lo institui un ‘petit comité’ pa yega na un solucion duradero pa nos cunukeronan local.
E comision lo acerca tur actor cu directamente of indirectamente tin di hasi cu nos sector primario.
Hunto lo identifica necesidad di cada actor pa asina por trece solucion duradero y satisfactorio pa un y tur.