Minister Plenipotenciario cu bishita di trabao na PRIVA

0

DEN HAAG, Hulanda – Den cuadro di e vision di Gobierno pa bai stimula e sector primario na Aruba, Minister Guilfred Besaril a hasi un bishita di trabao, hunto cu Roy Hart di Cas di Aruba na e compania PRIVA.

Durante e bishita e ehecutivonan di PRIVA, cu ta CEO Meiny Prins y Strategic Business Developer Jan Westra a duna un presentacion di e compania. PRIVA ta un compania cu tin 450 persona cu ta traha den 40 pais rond mundo, manera Mexico, China, Brazil, Africa y Colombia. Pa loke ta Research & Development PRIVA ta den e top 30 di Hulanda. Nan ta brinda diferente servicio manera hardware, software y online training riba hardineria y e sector primario.

Durante e reunion Minister Besaril a spica e ehecutivonan cu Gobierno di Aruba su vision ta pa crea mas pilar economico y e sector primario sigur ta hopi importante pa Aruba, specialmente mirando e situacion cu a surgi pa importacion di berdura y fruta pa Aruba. E mandatario a sigui splica cu a yega e momento cu Aruba mester bai produci mas y importa menos. Esaki lo por crea trabao pa hopi Arubano den e sector aki, y esey ta e meta di Gobierno. Minister Besaril a tene e reunion aki como preparacion pa un bishita di trabao di Minister di Sector Primario Chris Romero y un delegacion na Hulanda pa asina sigui reuni cu PRIVA pa profundisa mas riba con por bai traha hunto pa logra e meta di Aruba pa extende e sector primario.

Potret ta cortesia di Cas di Aruba.

Comments

comments