Minister Plenipontenciario a felicita e hende muhe ariba su dia

0
RBC Juli 2018
ling and sons porciento
Funmiles-2018

Relaciona cu e Dia Internacional di Hende Muhe, Minister Plenipotenciario di Aruba, Sr. Guillfred Besaril, a declara lo siguiente:
“Awe 8 di maart ta un dia special den cual tur hende muhe ta celebra e progreso cu a wordo logra riba e tereno di e derechonan di hende muhe en general. Ta trata di un fecha cu ta wordo celebra pa mas di 100 aña como muestra di reconocemento na señora Clara Zetkin pa e lucha hiba riba e tereno aki. Por cierto acto cu a wordo reconoci na 1978 door di Nacionnan Uni y decreta como e dia Internacional di hende Muhe.
Na Aruba e cambionan ta latente. Nos hendenan muhe a bira mas activo y nan rol den nos comunidad a diversifica. Igual cu ta e caso na otro paisnan, awendia e hendenan muhe Arubano no ta solamente mama y ama di cas. Nos ta tuma nota di e desaroyo den cual mas y mas nan ta opta pa estudio y e mundo profesional. Djis tira un bista den e Politica Arubano; no menos cu 7 dama den Parlamento y dos Minister femenino. Por cierto na cabes di Aruba su gobernacion Sra. mr. Evelyn Wever-Croes!
Mi ta consciente cu e lucha no a termina. Tin hopi desigualdad y situacionnan no faborabel, hasta doloroso ainda cu e sernan femenino Arubano y rond mundo mester sigui lucha contra dje. Muy apesar di esaki permitimi felicita tur e hendenan muhe muy en especial esnan di Aruba riba nan dia. Cu Dios bendiciona cada uno di boso ricamente y cu boso por celebra boso dia en grande!” Minister Besaril a termina.


Fotonan cortesia di Gabinete di Minister Plenipotenciario na Den Haag Hulanda.

Comments

comments

C: Heineken
new india
dvg