Segun minister Otmar Oduber, Aruba no lo bay conoce un temporada keto mas pa loke ta turismo crucero, si mira cu tin mas di 200 mil turista extra cu lo bay bin Aruba den 2017.
Importante ta pa ilustra e hecho cu Aruba, oficialmente no conoce un slow season pa loke ta barco crucero. Ora cu ta ricibi pa 2017, poco mas di 200 mil pasahero den e temporada di loke antes tabata yama un low season, den e totalidad di 700 y 40 pico mil turista y ora a cuminsa cu e maneho aki, cu a cuminsa cu e incentivonan, tabata tin por ta menos di 40 mil bishitante cu tabata yega den e temporada aki. Awe oficialmente por anuncia cu den e mundo di barconan crucero, e mundo crucero aki na Aruba, turistanan crucero, no conoce un low season mas, mirando e cifra di mas di 200 y pico mil bishitante cu ta bay ta ricibiendo den e temporada abao otro aña. Aki ta papia di barconan manera Pullmantur, Zenith, cu lo ta bek aki na Aruba, Disney, cu despues di basta aña di no tabata bishita Aruba, lo mira e barconan aki bek den 2017 na Aruba. Mescos cu ta Celebrity y otronan, Carnival, cu tambe ta pone otro companianan, cu ta haci posibel cu bo por crea tambe espacio pa den e temporada halto ainda. Te awor aki ta e cifra y confirmacionnan cu tin cerca APA, pero naturalmente den proceso di aña por modera nan mes y mira algun barco mas cu por yega den e diferente slotnan cu lo ta disponibel, door di e shift cu tin tambe pa Low Season.
E minister ta felicita e team, APA, ATA, tur esnan cu ta envolvi cada biaha di parti di e ministerio tambe den e negociacionnan cu ta tuma luga y mas cu tur ta mira e fruta di un trabao di un relacion excelente cu tin cu e industria crucero, mester keda pone e accento riba dje cu na momento cu a asumi e responsabilidad, no tabata tey, no tabata existi. Al contrario, tabata tin un epoca di barconan cu tabata bandona. Liñanan cu tabata rabia cu e forma y e maneho cu tabata tin e tempo ey y awe por mira un respet enorme den e industria aki un biaha mas.