Ministerio di Turismo tin contacto cu DOW y a palabra via ATA cu e fondo cu tin pa loke ta e producto Aruba mas of menos un suma di 3.6 miyon florin ta loke e proyecto ta bay costa dilanti full e high rise area, pa asina pone acera, percura pa tin caminda di cana. E Linear park tambe lo wordo envolvi den dje. Full e sistema di riolering ya caba ATA a paga den e caso aki pa e tubonan y nan ta na Aruba. Si wak bon, a paga tambe pa tur e luznan cu a wordo cambia dilanti di e high rise hotelnan. Ledlights a wordo poni nobo cu ta duna miho iluminacion, cu ta parti di e 3.6 miyon. Ya tin 700 mil florin a wordo inverti. DOW tin tur material caba. Awor aki ta spera cu una bes cu DOW caba cu e plan completo, haya aprobacion di minister Sevinger cu a haci e proyecto aki hunto. E fondonan lo sali for di oficina di turismo di ATA, cu ya caba a palabra cu eigenlijk mester a tuma luga e aña aki, pero e lo bay tuma luga na final di aña aki, pues e lo pisa riba e presupuesto di ATA pa otro aña, segun Minister Oduber.