Continuando cu e diferente encuentronan cu departamentonan cu ta cay bou di maneho di Ministerio di Infrastructura y Medio Ambiente, Minister Otmar Oduber a bishita DOW, DIP y Kadaster. Pa loke ta DOW, a pone varios punto como prioridad cu kier a trata di biaha. E prioridadnan ta encera e parti di trabounan relaciona cu trafico cu ta tuma luga, pa mira cua trabou por tuma luga anochi pa no obstaculisa trafico. Tambe a papia a termino largo riba trabounan cu mester tuma luga pa loke ta e problema di awa, pa no warda te ora cu awa yobe pa e bira un problema, pero pa mira con por deshaci di e awa.
“Ideanan cu di trempan a biba den mi, ta encera ideanan di damnan nobo cu por wordo crea pa por gara e awa aki y evita cu tur e acumulacion di awa ta bay cay den e areanan cu semper ta haya problema. A papia riba diferente otro maneho nobo pa loke ta permiso di construccion y construccion di casnan na Aruba. Esaki ta bay encera cambionan cu nos ta bay traha riba nan rapidamente, pasobra esaki ta prioridad di e gobierno aki.”
Pa loke ta Kadaster cual a reuni cu ne tambe a bay den e direccion di modernisacion di Kadaster. Director di DOW tin e encargo aworaki pa digitalisa e parti aki, cual ta un proceso cu ya nan tabata bezig cu ne, pero cual nunca a formalisa. E Meta ta pa fin di aña aki saca un ‘bestek’ pa pone henter Aruba digital. E ta un proyecto sumamente ambisioso unda cu ta digitalisa henter Aruba na un manera hopi profesional.