Despues di algun siman cu a sinta na mesa cu departamentonan pa loke ta casonan di crimen den turismo, keto bay e nan ta keda pasa. A acerca minister Otmar Oduber pa haya sa su punto di bista y kico ta bay wordo haci.
A reuni cu alto mando policial y ehecutivonan di Aruba Hotel Security Foundation, ATA. Peticionnan a wordo entrega tambe na ATA pa continua cu e sosten na Cuerpo Policial. Manera ta conoci, ATA, atrabes di AHSF, a duna mas of menos 750 mil pa aña. Tin un peticion adicional cu a drenta pa e aña aki y pa otro aña, cual ta wordo trata y ta spera cu e siman aki hasta por yega na e punto cu por acorda esaki, caminda cu lo yuda Cuerpo Policial pa loke ta trata ekiponan cu ta necesario pa por mobilisa. Ta trata aki di autonan adicional cu nan lo bay tin mester di dje, autonan cu ta daña cu por wordo drecha na diferente dealer. Ta papiando di ekiponan nobo, iluminacion, ekiponan cu ta necesari pa nan por eherce nan labor, ta un suma pidi di mas of menos 1 miyon florin, cual awor aki ta tratando hunto cu ATA pa wak si tin espacio den e presupuesto manera cu e ta manera cu e ta awor aki, of si por haci un apelacion na parlamento pa haci ahuste den e presupuesto pa por yuda Cuerpo Policial den su necesidadnan.
Gobierno ta convenci cu si tin un posibilidad cu por yuda for di e presupuesto di ATA y cu naturalmente ta sigura e siguridad cu tin mester den areanan di turismo pa tin autonan presente, tanto na waf na Playa, den e area di hotel, etc. na Baby Beach, Gobierno sigur lo kier contribui pa nan por haci nan trabao ainda mas facil y esey ta haciendo na e momentonan aki. Ta haci tur loke ta posibel cu si mester sak’e for di e presupuesto manera cu e ta y cu ta prepara pa presupuesto 2017, cu mester wordo entrega e siman aki, prome cu 1 di September na e directiva di ATA, pa asina por wordo aproba, cu por combina e peticionnan cu tin di Cuerpo Policial na e momentonan aki entre presupuesto di e aña aki y esun di 2017.