Minister a reuni cu Camara di Comercio (KVK) cu ta encarga cu e aspecto di desaroyo teritorial (ruimtelijke ontwikkeling) unda cu a bin cu diferente punto den agenda pa trata ideanan, preocupacionnan y vision di camara di comercio, encuanto e tema aki. Tambe a duna un presentacion chikito di parti di Ministerio relaciona cu e puntonan di enfoke di Minister pa e periodo venidero. A papia di diferente retonan cu tin y e posibilidadnan pa colaboracion entre KVK y Ministerio.
Minister Otmar Oduber ta sintando cu diferente partners y organisacionan cu tin posicion clave den desaroyo di Aruba. Den cuadro di esaki recientemente a sinta cu e comision encarga cu desaroyo teritorial na KVK pa papia di ideanan y preocupacionnan relaciona cu desaroyo teritorial di nos Pais. A papia riba Watty Vos Boulevard y cu KVK ta considera e proyecto aki positive. Tin algun critica constructivo tambe manera accesibilidad pa comerciantenan y e aspecto di seguridad pa hendenan cu ta cana den e area. Watty Vos Boulevard ta wordo mira como algo cu por contribui na e desaroyo economico y e bienestar di Aruba si e tuma luga den forma consciente y efectivo. Den e reunion tabatin preguntanan di kico ta pasa cu e maneho di otorga tereno cu a wordo publica recientemente. KVK a haye importante pa enfoca riba e aspecto di agricultura den forma inovativo pa contribui na e GDP di Aruba. Ta bayendo den direccion nobo cu un sector cu lo ta di gran importancia pa Aruba. Minister a indica tambe e importancia di sector priva pa carga su responsabilidad riba diferente tema.
Minister Otmar Oduber ta mira e importancia di sinta cu diferente instancianan pa asina ora cu eherce un maneho tin diferente punto di bista pa tuma bon/ mihor decision. E encuentro cu KVK tabata uno cu un organisacion clave den comunidad pa contribui conhuntamente na e vision colectivo na bienestar di Pais Aruba..