DEN HAAG – Minister Plenipotenciario Juan David Yrausquin tabata invitado special na e apertura oficial di e facilidad Hybrid Energy System Integration (HESI) riba e tereno di EnTranCe na Groningen. E acto oficial a tuma lugar door di Comision di Rey na Groningen Rene Paas. HESI, ta un laboratorio na unda companianan por acudi pa cierto test y investigacionnan. TNO ta un partner grandi den e proyecto aki.
Prome cu e apertura oficial, diferente orador a tene un discurso riba tereno di energia duradero y e maneho sostenibil tanto na Hulanda como na otro paisnan. Minister Yrausquin a wordo invita pa hunto den un panel pa papia riba e balor adicional di un sistema di HESI den e transicion pa energia duradero. Na e ocasion aki sr. Yrausquin a elabora riba e vision ambisioso di Gobierno di Aruba pa yega na un sociedad y economia 100 porciento duradero na 2020. Tambe e mandatario a papia riba e construccion cu ta andando di e “Smart Community” na Aruba y loke e proyecto aki lo brinda na informacion util pa un maneho duradero pa futuro.
Mester bisa cu diferente oradornan a menciona e vision duradero di Aruba y e ehempel cu Aruba a bira riba e area aki.