Willemstad- Un total di 128 hoben di paisnan den reino Hulandes, lo topa otro e siman aki na Corsou pa un encuentro deportivo ariba tres diferente ramo, pa loke ta trata e di dos Koninkrijkstoernooi. Añ pasa, esta 2016 e prome Koninkrijkstoernooi a tuma lugar na Aruba cu participacion di mas o menos 130 hoben, cu a competi contra otro den e ramo di futbol, beisbol y tambe basketball. E aña aki e turno ta na pais Corsou pa ta e pais anfitrion di esaki.
Mas o menos dos aña pasa, esta na 2015 minister di husticia Arthur Dowers a cuminsa cu un proyecto cu a hiba e nomber “futuro ta den bo man”. Un projecto cu ta hiba e liña di pensamento cu e hobennan ta practica deporte sanamente y asina ta aleha esaki nan for di cosnan negativo. Como tal, e proyecto aki a wordo carga tambe pa ministerio di husticia y seguridad Hulandes y tambe pa ministerio di husticia di Corsou y tambe esun di Sint Maarten. P’esey mes cu aña pasa, esta na 2016, Aruba tabata e prome cede pa e asina yama Koninkrijkstoernooi tuma luga. Minister di Husticia Arthur Dowers ta masha contento cu e continuidad di e bunita proyecto aki y ta spera cu esaki lo bay ta e caso tambe den futuro.