BOGOTA, Colombia – E cartera aki ta ricibiendo aporte di organisacionnan pa construi conhuntamente un politica publico cu ta mehora e condicionnan laboral di e trahadonan sexual.
Trahadonan sexual, doñonan di establecimento, empleador, ONG, sindicato y organisacionnan cu ta proteha e derecho di e muhenan aki, por participa den e creacion di un reglamentacion cu ta mehora e condicionnan laboral di trabao sexual. E iniciativa ta wordo lidera pa e Ministerio di Trabao den cumplimento di un sentencia di Corte Constitucional cu asina a keda ordena cinco luna pasa.
Algun di e condicionnan cu ta pidi e trahadonan sexual, ta garantianan pap ensiona, busca alternativanan pa por cootisa y siguridad na trabao, como un boton di panico den caso di sufri algun atake violento. Den declaracionnan pa RCN Radio, Alejandro Lanz, miembro di ONG Parces, a manifesta cu e trahadonan sexual “no tin un bida asina largo manera deportista of modelo. Un di e prioridadnan di e Ministerio mester wordo analisa e necesidad aki y mira con por garantisa cu e personanan cu ta dedica na e actividad aki, tin un pensioen.”
E minister di trabao, Clara Lopez, ta splica cu “ta verifica e nivel di representatitivdad di e trahadonan sexual inscribi. Posteriormente, lo tuma luga e proceso di construccion onhunto di e propuesta di reglamentacion pa consolida y desaroya un pa un e temanan y lo ricibi e observacionnan den henter e pais, incluyendo e luganan mas aparta, cu e obheto di garantisa su participacion atrabes di e diferente mecanismonan y proteha e derechonan di e trahadonan sexual.”
Fuente: El Espectador