DEN HAAG, Hulanda- Luna pasa, Prome Minister Hulandes a rementa internet ora cu e mes a limpia e coffee cu el a basha. Awo, e minister di relacionnan exterior di Hulanda, Stef Blok, ta yamando un otro tipo di atencion.
DIVERSIDAD Y CONFLICTO
E minister di Relacionnan Exterior di Hulanda, Stef Blok ta den preta pa su comentarionan haci durante un encuentro di empleadonan Hulandes di organisacionnan internacional na Den Haag. Durante su speech, Blok a bisa cu diversidad ta genera conflicto.
“Dunami un ehempel di un sociedad multietnico, multicultural, unda cu e poblacion indigena ta biba ainda, unda cu nan ta biba den un union pasivo, social”, Blok a bisa, segun Reuters. “Mi no conoce niun”. Ora cu’n persona den publico a menciona Suriname, un ex colonia Hulandes, Blok a bay mas profundo.
“Mi ta admira bo optimismo”, Blok a contesta. “Suriname ta un estado cu a faya y esaki tin hopi di haber cu su composicion etnico”.
Suriname, na Suramerica, ta consisti di descendientenan Asiatico, esclabonan Africano y e poblacion indigena, segun Reuters. E Fund for Peace, cu anualmente ta saca un informe tocante estadonan cu a faya y cu ta fayando, ta pone Suriname ariba e lista di e paisnan mas stabil na mundo. Suriname a bira independiente di Hulanda, na 1975.
Despues e minister a bisa cu el a uza palabranan mucho skerpi y cu ta duel’e cu el a ofende hende cu e actitud aki.
E comentario di Blok, cual a wordo transmiti pa television Hulandes durante e serie “Zembla” diaranson ultimo, a causa indignacion.
REACCION MIEMBRO TWEEDE KAMER
Hopi ta e comentarionan cu ta bisa cu esaki ta un actitud indigno pa un minister di Relacionnan Exterior, tocante e pronunciamente di minister Stef Blok (VVD) tocante Suriname y e comunidad multicultural.
Kees Verhoeven, miembro di Tweede Kamer, den un carta habri a yama e comentarionan di Blok “incomprendibel”. E trabao di un minister di Relacionnan Exterior ta di mantene relacionnan diplomatico.
REACCION CORSOU
Gobierno di Corsou den un comunicado por escrito a tuma distancia di e expresionnan haci door di minister Blok tocante comunidadnan multicultural.
Gabinete di Corsou a informa di ta “lamente profundamente e expresionnan aki, ya cu e Blok ta papia tambe na nomber di Caribe Hulandes. Ta precisamente e diversidad ta e forsa di e isla, segun gobierno di Corsou.
Na comienso di e siman aki, expresionnan haci door di Blok durante un encuentro priva. El a bisa cu e no conoce niun pais caminda cu personanan di diferente cultura ta biba pacificamente cu otro
Fuente: https://www.washingtonpost.com