Minister di Husticia Nelson Navarro tabata hopi cla durante su discurso riba Tele Curacao, pa loke ta e welga general cu supuestamente lo bay tuma luga mañan, diahuebs, dia 15 di September. Segun su disertacion, el a splica cu na prome instante paritdonan a yega hopi leu. Solamente tin un parti chikito cu ainda nan no a logra pa haya un acuerdo riba dje y ta conoci pa tur hende cu caminda cu mester firma un lumpsum cu e trahadonan di e contratistanan ta haya 3000 florin. Eynan cos a pega.
El a splica cu pa e motibo eynan a cuminsa un welga pa 2 siman caminda cu por a experencia e violacion cu tabata tin di orden publico dilanti isla y den centro di ciudad. Mirando e hechonan ey, minister di husticia, mester salbaguardia interes di Corsou y interes general. Den e cuadro ey el a saca un decreto cu ta basa riba ley cu ta regarda orden publico. E decreto ta bisa cu ta prohibi aglomeracion den centro y dilanti isla pa cierto cantidad di meter. Esey pa evita e actonan bochornoso cu a tuma luga sigui prolonga. Cu e decreto a caduca dia 9 di September, el a haya su mes ta saca un otro decreto, mirando e situacion cu lo bin un welga general, caminda cu e sindicatonan a filia pa duna sosten na e sindicato cu ta representa e welgistanan y a mira e situacion escala.
A bin cu un di dos decreto cu na corsou ta prohibi aglomeracion di hopi hende cu e meta pa desorden publico. Loke a prohibi ta e welgistanan haci mal uso di nan derecho di welga, haci mal uso di nan derecho di manifestacion, pa viola orden publico camimnda interes di pueblo ta envolvi. Awor ta haci manera cu ta minister Navarro ta viola leynan internacional, cu e ta viola e derecho di welga di trahadonan y viola derecho di manifesta e derecho di e trahadonan. El a splica cu den e decreto aki e prohibi orden publico. Pasobra cu tin derecho di welga y cu manifestacion bo ta kere bo tin derecho di viola orden publico, caminda cu pueblo no tin nada di haber cu e trahadonan tin cu nan doño di trabao. E minister ta spera cu tur hende lo realisa cu e welga aki ta un welga cu a wordo yama entre partidonan priva, doñonan di trabao cu trahadonan. Gobierno no tin nada di haber. Como Gobierno responsabel ta purba di media pa trece partidonan mas cerca otro. Pesey ta e envolvimento como minister di husticia e ta haci esfuerso cual no a conduci cu ta satisfactorio pa dos partido, pero negociacionnan a keda. Ta keda dispuesto pa duna un man pa media y percura pa e negociacionnan bay den bon direccion. Pa bisa cu gobierno ta esun cu ta responsabel, cu tin cu pone cen riba mesa, cual ta hopi leu busca, segun minister Navarro. Gobierno no por drenta den asuntonan di dos partido priva cu ta negoshando pa un contracto colectivo.
Por a tuma nota di loke e sindicatonan a bin dilanti, caminda cu nan ta bay den un welga general. Como Gobierno e tin un responsabilidad pa mira con ta atende e asunto aki. Mirando e responsabilidad cu Gobierno tin pa e interes general y mirando e hecho cu e sindicatonan a convoca un welga general, a convoca un reunion pa 5’or di atardi di diaranson pa yega na conclusion pa mira con pa sigui y yega na otro y evita un paro general na Corsou. E minister ta spera cu pueblo por compronde cu Gobierno a haci su esfuerso pa mitiga e situacion y tambe busca un manera pa trece e partidonan na otro. Ta spera den e dianan venidero e situacion aki lo por wordo soluciona, e minister a bisa finalmente.