Minister demisionario Yrausquin a presencia debate riba presentacion di Gabinete Rutte III

0

DEN HAAG –Minister Plenipotenciario demisionario Juan David Yrausquin a presencia diaranzon 1 di november e debate den Tweede Kamer riba presentacion di e Gabinete di Prome Minister Mark Rutte. Meta di e debate aki ta cu e Gobierno nobo di Hulanda ta presenta a base di un “regeringsverklaring” nan maneho y plannan pa e proximo gobernacion na Tweede Kamer.

Minister demisionario Juan David Yrausquin, kende a probecha di su presencia pa topa y combersa prome cu e debate a cuminsa y tambe durante di pauze cu parlamentarionan cu ta miembro di e Comision Permanente pa Asuntonan di Reino. Asina e mandatario a papia entre otro cu Liesbeth van Tongeren di Groenlinks, Attje Kuiken di Partij van de Arbeid, Joba van den Berg di CDA y Antje Diertens di D66.

Potretnan ta cortesia di Cas di Aruba.