DEN HAAG, Hulanda- Minister demisionario Hulandes di Defensa, Jeanine Hennis a entrega su retiro diamars, despues cu un rapport a constata fayonan grandi di su departamento durante e mision di pas di Nacionnan Uni na Mali.
E Hunta di Siguridad siman pasa a emiti su conclusionnan riba un incidente cu a tuma luga dia 6 di Juni 2016, na momento cu’n atentado a mata dos soldat y un di tres a resulta seriamente herida. Cu esaki a conclui cu e ministerio a hala siguridad y standardnan medico un banda, pa persigui obhetivonan strategico.
Hennis a anuncia su renuncia durante un debate parlamenterio, faltando algun dia prome cu e gobierno demisionario acutal wordo reemplasa pa un coalicion nobo bou di liderasgo di Prome Minisiter Mark Rutte.
Hunto cu Hennis e general Tom Middendorp, comandante di e forsanan arma di Hulanda, tambe a entrega su retiro despues di e conclusionnan negativo di parti di e Hunta di Siguridad.
E Hulandesnan, cu inicialmente a proporciona squadronnan di helicopternan Apache na e mision di paz na Mali, ta bahando nan contribucion, cu cifranan di tropanan cu ta ser spera lo por cay te na 300 pa e aña aki.
Fuente: http://uk.reuters.com/