Esaki mester ta relata na droga, tin cu bisa. E gangnan aki tabata ocupa nan mes cu bendemento di droga y tabata hopi otro problema cu ta bin, cosnan cu ta bisa cu no ta ni bal la pena pa haci pleito riba dje. E muchanan aki door di nan desaroyo tabata crea pleito y door di esey tabata uza arma di candela pa spanta otro. A detene varios di nan y hopi di nan ta cera e momentonan aki y por bay mira, criminalidad a baha hopi.
Pero na momento cu e gruponan aki sali bek, por mira tambe cu nan ta bay bek den e mesun direccion cu nan tabata ta aden. Awor aki ta traha riba un registro caminda cu ta bay percura pa tur esnan cu tabata ocupa nan mes, sea cu atraco, posesion di arma, etc. pa na momento cu nan sali, nan por wordo sigui pa autoridad, bishita regularmente pa mira kico nan ta haciendo y tambe asina ey percura pa nan cana den e caminda corecto. Si nan no kier esey, pa tin un bista riba nan pa na momento cu nan desvia y haci daño na comunidad. Esey ta un di e pasonan cu lo tuma den 2017.
Minister Dowers a sigui bisa cu awor aki e sistema aki yama Plataforma Profesional caminda cu ta atende e problema di hobennan e ultimo aña, pero den e aña cu ta bay tin, lo bay atende cu tur e problemanan di sea criminal, comete crimen of risico di comete crimen y logicamente e hobennan, si no tene nan den e bon caminda, lo por bira potencial criminal.
E plataforma profesional lo wordo amplia den e concepto cu lo yama Veiligheidshuis, caminda cu lo dedica mucho mas atencion pa personanan cu ta core riesgo pa cay den gara di crimen of ta personanan cu ta of lo comete crimen, e mandatario a splica.