PHILIPSBURGH, St. Maarten- Dialuna forsnan militar di Defensa di Caribe Hulandes a bandona tanto Corsou como Aruba pa yuda autoridadnan di St. Maarten, Saba y Statia, e tres islanan cu ta den preparacion pa yegada di horcan Irma.
Horcan Irma ta un horcan cu un forsa categoria 5 y ta bayendo den direccion di e islanan Ariba. Ta ser spera cu e islanan aki lo ricibi dañonan severo ora cu Irma pasa ariba nan diaranson mainta. E islanan ta hayando rafaganan di biento hopi fuerte, hopi awacero y indunacionnan. Door di e infrastructura vulnerabel ariba e islanan aki, esaki ta haci cu e daño lo ta mas grandi cu e pasada di Irma. como precaucion, autoridadnan local di e Islanan Ariba a pidi asistencia adicional di Militarnan Hulandes stationa den Caribe.
Parti den dos buelo, e prome unit a yega St. Maarten dialuna atardi. Nan ta bin di e 32 Raiding Squadron di Marina Hulandes stationa na Aruba, complimenta pa e milicia di Aruba. E tres unidadnan aki a ser dividi entre e tres islanan. Nan tarea ta pa yuda autoridadnan local den preparacion pa horcan Irma. Tareanan ta varia di entre yuda den set up shelter y yuda polis local den mantene e ordo di toke de queda.
Despues cu Irma pasa HNLMS Zeeland y HNLMS Pelikaan lo yega den e area. Nan lo yuda cu personal y material for di Aruba (Zeeland) y Corsou (Pelikaan). Compania di infanteria stationa na Corsou y militarnan di Corsou lo ta abordo di e HNLMS Pelikaan. E unidadnan lo brinda asistencia den check e dañonan y lo por yuda den restaura e infrastructura unda y si ta necesario.
Yuda autoridadnan civil y local ta un di e tres tareanan principal di Defensa den Caribe. Yudansa prome, durante y despues di pasada di un horcan ta un di e tareanan.
Ultimo biaha cu unidadnan a wordo desplega tabata cu e pasada di horcan Matthew na October 2016. Ambos barco (incluyendo helicopter) y e militarnan lo yuda e tres islanan pa al menos un siman, cuminsando dialuna.
Fuente: https://thedailyherald.sx/