SAN JOSE, California – Miles di persona a wordo obliga na evacua nan cas diaranson den e ciudad Mericano di San Jose, nort di California, debi na awasero fuerte cu provoca inundacion den varios bario y a forsa pa cera e autopista principal.
Autoridadnan a bisa cu e inundacionnan, e pionan den 100 aña, tabata producto di awasero fuerte cu a causa e crecida di riu Coyote, cu ta core a lo largo di Silicon Valley.
E area evacua ta cubri un parti amplio di e di tres ciudad mas grandi di e estado, cu cerca di un miyon di habitante.
Cerca di 14 mil persona ta biba den e zona menasa pa e inundacionnan y mas di 200 ta wordo rescta den botonan inflabel pa e bomberonan diamars.
E inundacion aki “tin un nivel record,” Roger Gas di e Servicio Nacional di Tempo cita pa prensa local.
E rescatistanan a hiba e afectadonan na refugionan instala na scol y centronan comunitario.
Den un conferencia di prensa diamars, e alcalde di San Jose, Sam Liccardo, a reconoce cu autoridadnan no a premira e magnitud di e desaster y a bisa cu nan lo actua cu mayor celeridad pa ordena e evacuacion.
Fuente: NTN24