SANTIAGO DE CUBA, Cuba – Miles di persona a acuti diasabra riba Plaza de la Revolucion “Antonio Maceo” di Santiago de Cuba na e ultimo acto masivo pa despidi di Fidel Castro, caminda cu lo asisti representantenan di e organisacionnan social y su ruman homber, e presidente Raul Castro.
E acto a cuminsa puntualmente pa 7’or di anochi, cu entrada pa e tribuna di Raul, bisti den uniform militar, caminda cu e Santiagueronan a ricibi’e cu aplauso y grito di “Raul, amigo, el pueblo esta contigo.”
Riba e plaza lo descansa awo e shinishinan di Fidel, dentro di e mausoleum den Antonio Maceo, te cu e ceremonia di inhumacion mañan pa 7’or di mainta, den e santana di Santa Ifigenia.
Entre e invitadonan e ultimo despedida di Fidel na Santiago, cuna di e Revolucion, ta figura personalidadnan cu tabata amigonan personal di Fidel manera e presidentenan di Venezuela, Nicolas Maduro y di Bolivia, Evo Morales, e ex presidentenan di Brasil, Lula da Silva y Dilma Rousseff of e futbolista Argentino Diego Maradona.
Desde oranan prome, un multitud a cuminsa na aglomera riba e plaza cu bandera y borchinan cu imagen di Fidel Castro.
E shinishi a sali for di Havana diaranson ultimo den un corteho funebre rond di henter e isla y a yega awe na Santiago, e recorido inverso di e “Caravana di Libertad” cu e guerilleronan a haci comanda pa Fidel na Januari 1959 durante e triunfo di e Revolucion.
Fuente: NTN24