FILIPINAS – Miles di Filipino a huy diaranson despues di bringamento riba e isla di Mindanao. Trupanan di e Gobierno Filipino ta eynan desde diamars den conflicto cu miembronan di Maute, un organisacion liga na Estado Islamico. E militantenan a cende edificionan na candela y a secuestra un pastoor catolico y 14 otro Cristian.
E presidente Filipino, Rodrigo Duterte a decreta di elimina e grupo Maute. Esaki tuma luga despues di varios intento fracasa di e ehercito pa domina e militantenan. Segun Duterte, Maute a purba pa basta tempo caba, aumenta e presencia di ISIS na Filipinas.
Duterte a cancela su bishita diamars na e presidente Ruso, Vladimir Putin, debi na e situacion den su pais.
Fuente: www.nu.nl