HAVANA, Cuba- Miguel Diaz-Canel, te cu awo prome vice-presidente di gobierno, a wordo eligi presidente di Cuba pa Asamblea Nacional di isla. Canel ta reemplasa Raul Castro, kende a retira di poder despues di diesdos aña na mando di e pais.
E mandatario nobo a wordo ratifica cu e 99.83 por ciento di e votonan den e Asamblea Nacional di Poder Popular, segun datonan ofreci den e camara door di e presidente di e Comision Electoral Nacional, Alina Balseiro.
Fuente: EFE