E turista C. a presenta na warda di Strand Politie den cuadro cu denuncia di ladronicia.
C. a declara cu un dia prome, el a laga su tas riba beach, mas of menos 20 meter pazuid di “Boegaloe”. E hunto cu su amiga a drenta den lama. C. a bisa cu riba e mesun dia, den careda di 3’or y mey, el a bay check su cosnan, pero ya nan no tabata tey mas.
C. a declara cu el a bay coy su paspoort caminda cu e ta keda y a bay na e warda di polis mas cerca.
E articulonan cu a wordo horta ta un tas color preto di marca River Island. Un bril di solo di plata marca Rayban. Un Apple Laptop color shinishi. Un telefon celular color di oro marca Apple 6 64 Gb. Un cartera color biña cu 100 florin den dje. Un bril di solo color bruin marca Toms.
C. a declara cu e dia despues di e denuncia e lo bandona e isla. C. a duna informacion di e persona di contacto na Aruba pa asina ricibi e articulonan una bes nan wordo haya. Comandante na warda a wordo poni na altura.