Miembronan di Parlamento tin te dia 22 november pa haci pregunta over di e ley Electroral!

1

Ayera durante un reunion di comision central a trata e agenda punt di e cambionan di e ley electoral. Presidente di parlamento Sr Besaril a duna e oportunidad pa por añadi e punto di agenda aki ayera pa asina den e reunion di comision central discuti esaki. Manera ta conoci e cambionan di e kiesverordening (ley electoral) ta den su fase final y loke falta ainda promer cu e ley yega sala di parlamento pa votacion, ta pa miembronan di parlamento haya e oportunidad pa haci pregunta encuanto e ley aki. Den e reunion di comision central ayera a wordo dicidi cu miembronan di parlamento lo haya te cu dia 22 di November 2017 pa haci preguntanan encuanto e cambionan den e ley electroral. Una vez e preguntanan wordo ricibi e initatiefnemersnan cu ta mi persona y lider di partido Sra Evelyn Wever Croes lo mester contesta e preguntanan aki. Na momento cu tur pregunta a wordo contesta e ley ta CLA pa wordo presenta den sala y vota riba dje. Mi tin pleno confianza mirando e constelacion actual di parlamento cu e ley aki lo ricibi un mayoria sigur den sala. Mi kier a gradici sigur presidente di parlamento sr Besaril cu a demostra cu e ta un presidente hopi active, cu ta cumpli cu su deber y obligacionan y a brinda tur cooperacion pa e proceso di e ley aki sigui cana su caminda. Contrario na ex presidente Wyatt Ras cu a scohe pa mas bien trabca e proceso promer cu eleccion pa e no bira realidad promer cu eleccion.
Nos lo keda mantene comunidad informa riba e fecha cu e ley aki lo wordo trata y manera nos a bisa den campaña, nos ta bisa loke nos ta bai haci y nos ta haci loke nos a bisa!

1 COMMENT

  1. Nan mester corda tambe pa elimina e ley cu ta cubri e asunto di restzetel pa asina democracia funciona como debe ser. Danki tambe

LEAVE A REPLY

Please enter your comment!
Please enter your name here