Segun presidente di Parlamento, Mervin Wyatt-Ras, ya caba tin varios miembro di Parlamento cu a sali bay den exterior pa e reunionnan di Parlatino. E ta sigui splica cu Parlamento di Corsou, St. Maarten, tur lo topa eynan y henter e diferente paisnan cu ta miembro di Parlatino lo bay tey. Durante e reunionnan aki tur e diferente leynan marco cu e parlamentarionan ta traha riba dje durante ultimo tempo, tur ta bay wordo vota riba nan. E ta hopi importante cu Aruba como Miembro lo laga su voz rezona. Tin comisionnan cu miembronan di Parlamento di Aruba ta aden, manera comision Huridico, di Salubridad, di nos muchanan, di enseñansa, labor, derecho di consumidor, asuntonan politico, medio ambiente. Tur e comisionnan aki ta traha durante e aña cu a pasa. Hopi biaha ta scucha critica riba Parlatino, pero ora cu bay eynan, por wak cu miembronan di Parlamento di diferente pais, ta traha riba leynan y nan ta comparti loke nan ta haci cu Aruba. Por ehempel, Aruba ta traha riba ombudsman, pero nan tambe ta haci’e, pero riba nan forma. Aki por mira nan ley, caminda cu por implementa cierto puntonan. Ora cu ta trata hubentud, vooral abuso di menor. Por wak kico nan por bin cun’e, porta cu Aruba no tin’e ainda, of nan ta wak ta wak di nos tambe y ta wak kico por siña di otro. Esey ta e punto positivo di dje. E ora por bisa cu durante e asamblea general aki, tur hende ta bin hunto y ta aproba tur locual cu a pasa aden den e aña cu a caba di pasa.
Ta importante cu tur e diferente fraccionnan ta representa, pasobra na e momento ey tin biaha ta haya cu un issue cu tin cu cera cabes y wak con abo como pais ta reacciona riba cierto ponencia cu ta wordo treci padilanti durante e reunion aki. Segun Wyatt-Ras, Aruba tin su representacionnan den e diferente comisionnan. Diferente miembro di Parlamento ta bay y despues ta duna relato na prensa pa sa kico ta haci eynan. Hopi biaha e ta wordo mira como reunionnan caminda cu nan no ta di caracter serio. Pero tur biaha cu Wyatt-Ras a bay e reunionnan, nan ta hopi eficiente y ta siña hopi cos.