Diabierna ultimo dia 28 di December miembronan activo y no activo di De Trupialen a reuni na Club di De Trupialen pa asina papia riba e planesnan pa e celebracion di nan 60 aña di existencia, dia 13 di Januari proximo.Hopi ideanan y sugerencianan a bin dilanti.
E proximo reunion cual a la vez ta bai ta e prome training pa canta e misa di aniversario lo ta diahuebs dia 3 di Januari 2013, pa 7.30 p.m na Club di de Trupialen. Nos ta haci un suplica nan tur cu no por tabata presente na e ultimo reunion y cu ta desea di canta den e coro grandi di De Trupialen dia 13 di Januari, pa ta presente na club pa asina cuminza cu e training pa e misa.
Pa cualkier informacion por yama Nico Luydens na 5823076 of 5622564.
Email: detrupialenaruba@hotmail.com
Facebook: detrupialenaruba.
Si bo kier contribui dunando bo granito como co-fundador di e siguiente 60 aña di De Trupialen, nos ta sperabo.
De Trupialen kier a desea tur su miembronan y henter pueblo di Aruba un felis fin di aña y un bon aña 2013.
Loading ...
