Philipsburg, ST. MAARTEN–Miembro di United St. Maarten party (USP) den Parlamento, Chanel Brownbill a wordo deteni pa autoridadnan diaranson, hunto cu dos otro sospechoso en conexion cu e investigacion Esmeralda.
Brownbill y e otro sospechoso den e caso aki ta wordo sospecha di fraude y evasion di impuesto. Polisnan a tene un razzia den e cas miembro di Parlamento pa Sucker Garden den presencia di un hues.
Autoridadnan Frances tambe a tene un razzia den e French Quarter district. Documentonan, grabacionnan, y datonan digital tur a wordo tuma den beslag. Tur esakinan no a wordo ristra anteriormente.
Relaciona cu e mesun investigacion aki un total di 7 cas, incluyendo esun di e sospechoso doño di Checkmate Security O’Neal Arrindell, oficinanan di Port St. Maarten y oficina di Checkmate a wordo ristra dia 28 di November. Ruman homber di O’Neal, Akeem, kende ta un oficial di polis a wordo aresta diaranson mainta, en conexion cu e caso ya menciona.