Miembro di banda di pop popular di Corea del Sur haya morto

0
RBC Juli 2018
Funmiles-2018

SEOUL, Corea del Sur- Miembro di un di e bandanan di mucha hombernan hoben a fayece diripiente.
Jonghyun, cual nomber completo ta Kim Jong-hyun, tabata un di e cinco miembronan di Shinee, cu tabata tin un gran cantidad di exito den nan pais natal.
Segun the Korean Herald, Jonghyun tabata tin 28 aña. El a wordo transporta pa hospital despues cu el a wordo haya inconsciente den un appartment na Seoul, di acuerdo cu informenan.
Polis ta maneha suicidio como un posibilidad.
Servicionan di emergencia a wordo poni na altura door di ruman muhe di e cantante cu despues a wordo declara morto door di dokternan.
Di acuerdo cu e agencia di noticia AFP, e ruman di e cantante a bati alarma, despues di a ricibi un cantidad di mensahe for di su ruman homber, incluyendo uno bisando “esaki ta mi ultimo ayo”.
Jonghyun a bira famoso ora cu el a forma parti di e banda K-Pop na 2008.
El a hunga un rol importante den e grupo, tanto como cantante como bailarin. Tambe e tabata forma parti di e ekipo di composicion y produccion y na 2015 a lansa su mes como solista exitosamente.
Kim Jong-hyun tabata conoci pa vocifera su opinion ariba materianan manera e polisa di educacion di gobierno y tambe pa expresa su apoya na e derechonan di e comunidad LGBT.
Shinee tabata famoso tambe pafo di e fronteranan di Corea del Sur. E grupo a graba un gran cantidad di album na Japones y su concierto den e Tokyo Dome, cu capacidad di 55 mil persona, tabata sold out.
Na Reino, e website Odeon a crash un minuut despues cu e entradanan a sali na benta pa nan aparicion den e Korean Film Festival na London, na 2011. E aña aki nan a tene nan prome tour den Norte America.
E noticia aki a laga su fanaticonan den shock.
Fuente: http://www.bbc.com/

Comments

comments

C: Heineken
new india
dvg