Microsoft lo cumpra energia solar for di daknan di Singapur

0

TECNOLOGIA/ECONOMIA

E compania di Redmond lo suministra su centro di datonan na Singapur cu energia solar. Esaki ta danki na e acuerdo alcansa cu e empresa Asiatico. E compania Mericano lo desplega un red di panel riba full e territorio.
Microsoft ta drenta den un sector nobo. E compania Mericano tin como obhetivo suministra di energia renovabel su centronan di dato na Singapur, pa cual el a alcansa un acuerdo cu e compania local Sunseap. Cu e inversion aki, cual balor no a wordo divulga, e grupo tecnologico lo haci uzo di energia solar mediante full un red di suministro desplega den e territorio.

Durante e acuerdo aki, di 20 aña, Microsoft lo uza 100% di energia renovabel genera a trabes di dicho proyecto. E compania a bisa cu e ta ariba e bon caminda pa yega su meta di uza 50% di energia renovabel na su centronan di dato, cual ta parti den mas di 40 pais.

“Nos cloud service ta yudando e transformacion digital di Singapur y e acuerdo lo sigura cu esaki lo wordo impulsa cada biaha pa energia limpi”, Kevin Wo a splica, director general di Microsoft Singapur, a trabes di e blog corporativo di e grupo. “Nos ta orguyoso di a traha cu Sunseap pa apoya e crecimento di e economia local”.

Di mes manera, e directiva a señala cu, cu e acuerdo, “Microsoft lo yuda mehora e sostenibilidad di e operacionnan local y lo haci un progreso importante pa cu e obhetivonan di e sostenibilidad corporativo pa e centronan di datonan”.

Di su parti, Lawrence Wu, cofundador y consehero di Sunseap, a indica cu e compania ta wak un potencial grandi den su asociación cu Microsoft. “Su inversion den energia solar na Singapur ta un impulso creciente pa energia limpi den e pais y lo invita otro companianna local pa incorpora practicaann di sostenibilidad den nan negoshi”.

Fuente: http://money.cnn.com

Comments

comments