Tin momento cu nos ta yega na e mas extremo di agotamento posibel, ta unda uno ta sinti su mes cansa di “ta semper cansa.”
E por parce ironico, pero aunke e ta costa pa kere, e sensacion aki ta bay hopi mas leu di e simpel fatiga fisico.
Nos ta papia, vooral, di un estado mental unda cu e persona ta cuminsa sinti nan mes vulnerabel, falta di recursonan personal y frustra door di no por cumpli cu e obhetivonan di dia pa dia.
Poco situacion por yega di ta mas desgastante pa sinti fada cu bo mes door di no yega, door di no coresponde manera cu lo bo gusta y door di no disfruta di un bienestar fisico y emocional unda por dispone di un calidad di bida adecua.
Awe, den nos espacio, nos kier splicabo cu debi na e tipo di estado asina comun y vooral, con nos por enfrenta esaki.
1.Bo ta descuidando di bo mes demasiado: cuminsa na enfoca riba bo
Den ocasion, nos ta lubida cu nos curpa y nos mente ta atributonan di un ser humano, no di un robot di energia incombustibel.
Bo curpa tin mester di descanso y haci’e, permiti algun ora pa relaha pa dia y mas of menos un pa dos dia di descanso pa siman, no ta nifica cu bo ta haci menos of cu bo ta descuida di bo obligacionnan.
Centra bo mes den cumpli cu expectativanan aheno, den haci mas di loke nos ta wordo pidi y den centra tur nos atencion den lo demas, tardi of tempran, pasa factura.
Nutri nos mes de bes en cuando cu instantenan di soledad y bienestar ta sinonimo di salud.
Reflexiona riba e ideanan aki y permiti loke asina tanto bo tin mester: priorisa bo mes.
2.Siña na centra bo mes den loke bo por controla
Laga nos admiti, gran parti di nos, ta obsesiona cu tur loke ta leu di nos control.
Nos lo kier pa tal y tal persona duna cuenta di cierto cosnan.
Lo agradanos cu hopi di esnan cu ta rondona nos actua manera cu nos ta spera.
Den ocasion, tambe nos ta comete e siguiente eror: inverti tempo y energia den causanan perdi.
Nos ta haci tur lo posibel pa nos amigo of ruman, por ehempel, cambia di actitud, di animo of di conducta cu e idea pa nan ta mas feliz.
No obstante, si nan no ta pone di nan parti, nan no lo baon logra nan so si nos no lo bisa otro.
Nos mester centra den e exclusiva di loke ta na nos alcance, den loke cu si nos por controla y unda nos lo bay mira e resultadonan cla.
Di lo contrario, lo unico cu nos lo bay logra ta pa duna nos cabesaso contra muraya door di inverti asina hopi den causanan imposibel.
3.Controla bo expectativanan
“Si mi haci esaki, mi lo logra esaya.” “Si tal perosna hacimi e fabor aki, e ora, loke asina hopi cu mi ta warda lo pasa. “Si mi logra e obhetivo aki, mi felicidad lo ta garantisa.”
Si ta bon, ta berdad cu nos ta pone nos metanan den horizonte, ta bon y recomendabel, loke ya no ta tanto pa construi expectativanan demasiado halto of fiha na obhetivonan cual consecucion no ta depende di nos mes.
Den e ultimo casonan aki, lo mas probabel ta cu hopi di nos deseonan no lo sosode nunca.
E sensacion di fracaso reitera ta haci cu uno ta caba cansa y falta di speransa.
Laga nos siña na establece metanan mas creibel y mas ahusta na nos realidad.
4.Scucha bo mente
E proposito primario di nos mente y di nos celebro ta proteha nos.
Si mi ta sinti mi mes semper cansa ta cu tin un desekilibrio fisico of emocional cu mi mester atende.
Nos no por lubida ki tanto e dolor ta como e propio sufrimento ta yamadanan di atencion di nos celebro pa nos stop y descubri kico ta origina e molestia aki.
Den e caso di no scucha nos mente, den e caso di haci caso di e curpa cansa, e agotamento lo acumula ainda mas te yega na un estado di indefension autentico.
5.Tuma bo mes na serio
Bo ta un perosna cu a logra hopi cos. Cu a haci frente na mas di un mometo dificil, na mas di un adversidad.
Bo tin virtudnan admirabel, fortalesa cu un dia a dunabo resultadonan grandi… Bo a lubida kisas di tur loke bo ta bal, di tur loke bo a haci y logra?
Tuma bo mes na serio, valora bo mes, mima bo mes.
Si bo ta cansa, regala bo mes descanso.
Si bo ta preocupa, regala bo mes paz.
Si bo ta sinti bo mes ansha, regala bo mes calma.
Si nan a pidi demasiado dibo, libera bo mes di cierto personanan.
Si bo a lubida cuanto bo ta bal, establece un cita cubo mes pa reconcilia cu bo ser, cu bo emocionnan y identidad.
6.Tin strategianan cu ta permitibo recupera e energia ora bo ta cansa
Siña bisa no y lo bo descubri algo asombroso: e mundo no ta caba.
Lanta y bay keiro.
Scucha musica.
Crea un vision di con bo kier wak bo mes y sinti dentro di un aña. Cuminsa traha riba e idea ey cada dia.
Bisa tur hende “mi no tey pa ningun hende”, no ta un crimen, ta salud.
Averigua e “pakico” di bo cansancio. Evita laga pa mañan, e malestar cu bo ta sinti awe.
Pordona bo mes pa comete eror.
Rodea bo mes di personanan cu ta hacibo hari.
Conoce hende nobo.
Stop di comparti tempo cu personanan cu ta horta bo calma, energia y animo.
Lesa buki cu ta mustra realidadnan nobo, cu ta ofrece strategianan di mehora.
Regala bo mes tempo p’abo den soledad.
7.Biba e momento
Biba e momento ta implica tambe sa scucha bo propio curpa pa duna loke cu e tin mester di dje, den cada instante.
Si bo tin mester di descanso ta pasobra bo ta sinti bo mes cansa, obedece na bo necesidadnan: descansa. Asina di simpel.
Biba di forma conciente, siendo receptivo na loke ta envolve nos y ta bisa nos interior, ta un clave di salud mental cu nos tin cu practica diariamente.
No duda den pone den practica e consehonan aki. Tin biaha e cambionan mas chikito ta trece resultadonan grandi.