CARACAS, Venezuela – “Cu felicidad nan no lo por nunca.” Asina e presidente di Venezuela, Nicolas Maduro, a estrena su programa di radio diamars “La Hora de la Salsa”, un espacio radial cu lo transmiti for di dialuna pa diabierna riba Radio Miraflores.
E programa wordo estrena mey mey di un fuerte tension na Venezuela y un dialogo entre Gobierno y oposicion, cu a cuminsa diadomingo na Caracas y cu tin e pais entre e incertidumbre y speransa pa pone fin na e crisis politica, economico y social di e pais aki.
Diamars ultimo, Maduro a laga atras pa un rato e discusionnan politico y a concentra den historia di salsa y a celebra e inicio di Pasco.
“Bon Bini November, ta un luna pa famia, pa disfruta y pa prepara pa Pasco…. Awe ta start cu Pasco,” Maduro a bisa diamars for di e studionan di Radio Miraflores.
“Nos ta bay comparti alegria, historia, testimonio, anecdota, vooral henter nos cultura Caribeñno, e mestisahe bunita di e ritmo, di poesia, di canto cu ta expresa e profunidad di un pueblo cu e opositornan nunca por interpreta ni compronde,” Maduro a añadi den e programa, cual e ta e conductor.
“La Hora de la Salsa” ta un programa radial di musica, cultura y politica cu ta wordo transmiti for di 12’or pa 2’or di merdia, atrabes di e radio oficial Radio Miraflores y cu ta suma na su aparicionnan largo den medionan di comunicacion estatal, manera ta e caso di su programa televisivo “En contacto con Maduro.”
Durante e transmision, e mandatario a mustra su habilidad pa baile – manera den otro oportunidadnan – cu su casa Cilia Flores y a combersa riba politica internacional y derechonan humano cu e canciyer Delcy Rodriguez, kende a uni na e programa desde Geneve, Suisa, caminda cu e tabata participando den e Conseho di Derechonan Humano di Nacionnan Uni.
Pero aunke ningun hende ta kita “e derecho na felicidad” for di presidente Maduro, manera cu el a sigura atrabes di Twitter y aunke pa algunp olitico di oficialismo (manera Tareck El Aissami, Francisco Torrealba y Ernesto Villegas) e baile ta haci parti di e “revolucion ireversibel,” un celebracion tempran navideño may mey di un crisis politico no a wordo bon ricibi pa hopi Venezolano. Mey mey di e crisis politica, e presidente di e Asamblea Nacional di Venezuela, Henry Ramos Allup a bisa diamars, cu a peticion di Vaticano, e marcha convoca pa dia 3 di November pa e Palacio Miraflores a wordo suspendi momentaneamente.
E diputado oficialista Hector Rodriguez, a gradici e gesto di oposicion cual el a cualifica di balentia.
Oposicion a duna un plazo na Gobierno te cu dia 11 di November pa e dialogo cuminsa pa asina bin mas aclareacion.
Fuente: NTN24