MERCA/MEXICO – Gobiernonan di Mexico y Merca a acorda diaranson ultimo celebra un reunion cu varios pais Mericano pa aborda e fenomeno migratorio, specialmente di Centroamerica y busca politicanan di desaroyo cu desincentiva e exodo di persona.
“Den e proximo lunanan nos tin cu convoca un encuentro conhuntamente, Merca y Mexico, cu e paisnan di e Triangulo Nort y otro paisnan di e region manera ta Canada, Colombia y otro paisnan di America Central,” e canciyer Mexicano Luis Videgaray, a bisa.
Durante un declaracion conhunto dilanti prensa cu e secretario di Gobernacion Mexicano, Miguel Angel Osorio y e secretarionan di Estado di Siguridad Nacional di Merca, Rex Tillerson y John Kelly, di bishita oficial, a apunta cu e encuentro aki tin cu fomenta un “dialogo constructivo” entre nacionnan.
Di e manera aki, e titular di e Secretaria di Relacionnan Exterior (SRE) a señala cu ambos Gobierno tin cu asumi “un responsabilidad comparti” cu ta atende e fenomeno no solamente for di “control migratorio”, sino for di nan “causanan berdadero”, manera ta “desaroyo y stabilidad di e nacionnan aki.”
Den e sentido aki, a recorda Merca cu Mexico awendia ta un pais di transito y no di origen di migrante, pues e mayoria di documentadonan cu ta busca pa yega Merca, ta procede di e Triangulo Nort, conforma pa El Salvador, Honduras y Guatemala.
Den su turno di palabra, e secretario di Siguridad Nacional di Merca, John Kelly, el a bisa cu e migracion mester ta “sigur” y a papia di “profundisa” e colaboracion regional pa “menos migrante embarca den un biahe tremendamente peligroso” desde Centroamerica pa Merca.
Den dje, Tillerson a coincidi, kende a bisa cu e Gobierno di Donald Trump ta reconoce e cooperacion cu ya ta existi entre Merca y Mexico pa “limita e migracion iregular,” reforsando e frontera zuid di Mexico y apoyando Guatemala, Honduras y El Salvador den su esfuersonan pa “reduci violencia y stimula oportunidadnan economico den e region.”
Osorio a exigi cu e repatriacio di migrantenan ta “ordena” y garantisando e respet na derechonan humano.
Di e mesun manera, el a remarca dilanti su coleganan e “importancia” di estrecha e cooperacion cu paisnan di Centroamerica, cu e fin di “construi un eskema di colaboracion” cu ta articula un “autentico strategia di siguridad.”
Ni ministernan Mexicano, ni Mericano, a haci referencia diahuebs na e muraya frontriso entre ambos pais, cu Trump kier reforsa a lo largo di henter e frontera y segun a sigura den varios ocasion, pa haci cu Mexico paga p’e.
E republicano a endurece e controlnan migratorio tras su yegada na poder dia 20 di Januari ultimo y prome cu su victoria electoral na November ultimo, el a yega na bisa cu mayoria di e migrantenan Mexicano cu ta crusa bay Merca ta “criminal y violador.”
Fuente: El Colombiano