Mexico City, MEXICO- Servicio Nacional di Sanidad, Inocuidad y Calidad Agroalimentario di Mexico (SENASICA) a anuncia diamars cu su pais ta stop tur importacion di productonan pecuario for di Brazil te ora cu e entidadnan sanitario di e pais aki duna “pruebanan cientifico y garantianan suficiente di calidad y inocuidad” di su productonan.
SENASICA a tuma e medida aki pa proteha e consumido nacional relaciona cu un alerta sanitario declara pa supuesto adulteracion di carni di baca.
E servicio a solicita autoridadnan sanitario Brazilero pa aclara e situacion, como tambe facilita documentonan suplementario al respecto. Una bes cu e entidad tin e informacion rekeri, Mexico lo evalua si ta existi risico pa e consumido nacional.
Mexico no ta e prome pais cu a adopta e medidanan aki. E oficina federa di Siguridad Alimentario y Veterinario di Suiza diamars a cancela importacionann di carni procedente di cuatro instalacionnan Brazilero, segun Reuters.
Un dia antes, China y Union Europeo tambe a suspende e importacionan di carni di Brazil, pa motibo di e informacionnan riba inspectornan Brazilero cu ta ricibi soborno y ta permiti benta di productonan adultera.
.