TIJUANA, Mexico – Tabata e di tres biaha cu nan a expulsa Guadalupe Olivas, di 44 aña, morto ni 20 meter di e frontera di ambos pais.
Minuutnan despues di a wordo deporta di Merca, un Mexicano a suicida door di a tira su mes for di un brug, cu tabata keda no mucho leu for di e frontera. Autoridadnan a informa cu nan a haya su cadaver hunto cu un saco di plastic caminda cu e tabata tin su pertenencianan. E homber, deporta pa Tijuana pa 8’or y 20 di mainta, “a tira su mes for di un brug vehicular,” e secretario di Siguridad Publico di e ciudad, Marco Antonio Sotomayor.
Segun e documentonan cu e tabata tin riba dje, ta trata aki di Guadalupe Olivas Valencia, di 44 aña y nativo di e violento estado di Sinaloa, noordwest di Mexico.
E testigonan di e tragedia “nan a observa e victima angustia despues di a wordo deporta pa un ciudad caminda cu e no tabata conoce ningun hende,” un bombero kende a pidi anonimato a comenta. Di su parti, un funcionario cercano na e caso, a sigura cu tabata di tres biaha cu nan a deporta e migrante Mexicano.
Autoridadnan a acudi na e luga despues di a ricibi un yamada di telefon di emergencia di un automobilista, kendenan a alerta di un presencia di un homber cu tabata mira den bashi for di e brug, ubica 20 meter di e frontera cu Merca.
Pero ora cu e agentenan a yega, pa 9’or di mainta, e homber ya a tira su mes for di un altura di dies meter, Jose Luis Jimenez, subdirector di e Cuerpo di Bombero, a sigura.
Hunto cun’e tabata tin un saco di plastic cu su pertenencianan cu e agencia Mericano di control di migracion (ICA) a duna.
E Gobierno di e presidente Mericano Donald Trump, a anuncia diamars, medidanan nobo cu ta expande e alcance di deportacion di mas di 11 miyon di Mexicano.
Trump, kende a cualifica e indocumentadonan Mexicano di “criminal”, a desata na Januari un crisis diplomatica cu Mexico ora cu el a firma decretonan cu ta autorisa e construccion di un muraya na e frontera nobo, di cual e ta insisti pa e wordo paga pa e Gobierno Mexicano.
Fuente: Noticias Caracol