MEXICO CITY, Mexico – Palacio de Bellas Artes den e Ciudad di Mexico a ricibi e shinishi di Juan Gabriel pa un masivo homenahe postumo na e “Divo de Juarez.”
Miles a ricibi e shinishi di e cantante, cu a wordo transporta den un avion di Fuerza Aereo Mexicano desde Ciudad Juarez pa e capital.
Ta un ola di hende, cu riba ritmo di su cancionnan y di su imitadornan, ta acerca den fila pacientemente cu algun flor, algun mensahe, algun imagen, lenso, en fin.
Diferente forma di rindi’e tributo na e artista cu a toca asina hopi bida cu su musica.
Segun autoridadnan capitalino, e homenahe multitudinario pa dun’e e ultimo adios lo extende te cu diamars atardi.
Desde oranan tempran, cientos di persona a duna cita pa e tributo popular na e cantautor.
Su admiradornan ta recorde cu borchi, flor y su cancionnan, un poco mas di un siman di e deceso.
Juan Gabriel tabata e prome artista popular den presenta precisamente na e Palacio de Bellas Artes, un escenario exclusivo pa musica clasico. Eynan nan a rindi homenahe postumo na grandinan di e cultura Latino Americano, manera Gabriel Garcia Marquez, Mario Moreno (Cantinflas) y Agustin Lara.
E shinishi di Juan Gabriel lo reposa finalmente den Ciudad Juarez. E cas di e artista den e ciudad aki lo wordo converti den un museo.
Fuente: CNN en Español