E proyecto SAM ta conta cu e aprobacion di Ministerio di Enseñansa. E proyecto di Scol Arubano Multilingual a wordo aproba pa implementacion na tur scol primario na Aruba. Sra. Marisol Croes, directora di Profesionalisacion di DEA na IPA, ta splica.
Introduccion di Scolnan Multilingual, lo encera un cambio mas grandi cu solamente esun di idioma, ya cu’n curiculo nobo lo wordo implementa. E meta nucleonan ya ta conoci desde aña pasa y nan lo wordo implementa. pero e ta un manera diferente pa implementa enseñansa na Aruba. Lo bay tin un forma nobo di duna les.
NUCLEO
Tur e vaknan cu e muchanan ta haya na scol ta wordo mara na metanan nucleo. Kico ta e nivel nan mester yega. E no ta mara na metodo so mas, pero tur scol ta liber na kies ki metodo nan ta bay uza pa yega un cierto nivel di idioma. Of yega un cierto nivel di conocemento di mundo. Esaki ta scolnan preparatorio te cu basico. E ley ta locual ta trahando ariba dje pero e beleid ta cu tur mucha ta haya les den e idioma cu nan ta conoci cun’e, nan idioma materno. Y esey si ta algo cu ta hancra den Derecho di Mucha caba. Les lo wordo duna den tur idioma.
Muchanan Arubiano ta lanta multilingual, ya cu nan ta wak television, nan ta wak programanan na Hulandes, Ingles y Spaño. Na cas, nan ta papia Hulandes, Ingles y Spaño, como tambe Papiamento.
BARRERA
Loke kier kita ta e barera pa e mucha siña. Ora cu e mucha yega na scol preparatorio, y e prome cosnan cu e ta topa cun’e, ta un idioma straño bo no por saca loke bo kier siña for di e mucha. Esey ta loke nan kier nivela. Nan kier pa e mucha siña, loke e mester siña y kier siña.
Ingles ta un parti di e lesnan cu ta wordo duna. E mucha ta bay haya les den cuater idioma y ta bay tene cuenta cu e idiomanan stranhero, Spaño, Hulandes y Ingles. Esaki no ta na vigor ainda, pero ta bay cuminsa cu e preparacionnan pa tin un bista cla ariba e cambio. Tin algun scol piloto cu a cuminsa caba, ya caba nan a yega klas 6. Y algun di nan ta bayendo MAVO caba.
E implementacion ta planea te cu 2030. Un scol mester ta cla pa e pasa door di e cambio aki. Seccion Guia di Departamento di Enseñansa ta bezig cu e scolnan pa wak ki ora nan ta cla.