La Salle College ta organisa un caminata pa asina recauda fondo pa nan scol pasina bin cu un mediatheek. Juffrouw Raquel Lampe ta amplia mas ariba esaki.
Tambe nan lo kier ekipa tur e klaslokaalnan cu un beamer y asina tin hopi mas deseo cu nan lo kier cumpli cun’e. E ta un parti chikito cu nan ta haciendo aworakinan pa yuda y asina duna bek na e muchanan. A keda dicidi cu e caminata di e aña aki lo tin un tema, y ya cu nan ta bezig cu e tema anti- bullying. A haci un competencia di poster bou di alumnonan y a scoge un ganador y a bira un poster di e cara di e caminata di La Salle College, y ta obra di e alumnonan di klas 2-C, Srta. Syrienne Peña y Chastity Hellement. Ta bay uza e poster de e caminata. Esaki lo tuma luga dia 31 di Maart pa 5 or di atardi. E ta 5 km so y e pueblo di Aruba ta keda invita, pa bin hunto cu famia y pasa un rato leuk cu e famia di La Salle College.
Cu compra di un ticket, esaki ta un ayudo cu lo yuda na contribui pa La Salle College yega na su meta.