E ley pa tin control riba sponsor pa partido politico mester pasa esaki lo mas pronto posibel pa asina garantisa cu no tin fraude. Sr. Ricardo Croes ta amplia.
Ta necesario pa bin cu e ley aki, pa evita cu tin corupcion, y e lo ta imposibel specialmente for di sector priva, caminda cu patronahe politico ta tuma luga. Comerciantenan ta inyecta partidonan grandi y na su turno fabornan politico ta wordo verwacht, ta wordo exigi. Pero e pueblo mes cu tin derecho pa un gobernacion drechi.
Partido Red Democratico ta contra e hecho cu desde e ley aki a wordo introduci, te ainda mas cu 12 aña, ainda ta papiando ariba esaki. Y aworakinan, partidonan den campaña, incluyendo partido POR, ta papia cu mester bin cu ley di financiamento.
Sr. Croes ta pidi Sr. Otmar Oduber splica, di unda su placa di campaña ta bin, mescos pa partido AVP y tambe partido POR. Pasobra esun cu ta kere cu e ta un partido blauw, paso e ta parti di tur e desastre cu a tuma luga durante e ultimo añanan. Ta imposibel pa kere cu 10 luna prome cu campaña of pa eleccion, por cambia di berde pa blauw.
Pueblo no por laga e cosnan aki continua y mester exigi e partidonan pa demostra di unda nan placa cu nan ta campaña cu nan, ta bin. Ta fabornan politico, segun Sr. Croes, ta cabando cu nos isla.
Dependiendo di cuanto asiento nan haya den Parlamento, ta wordo subsidia. Esun cu kier mas informacion, por pasa na Parlamento. Aunke cu e topico ta bin cada biaha, e ta bin solamente den un forma di campaña, den un forma di manipulacion politico di e pueblo y despues ora cu e politiconan sinta como mandatario, nada mas ta sosode.
Campaña ta campaña, goberna ta goberna. Mester tin integridad y transparencia, door di demostra cu e placa di campaña no ta placa procedente di Mafia. Tur hende sa loke ta pasando na Corsou, y e nomber cu ta wordo menciona ta di Sr. Geritt Schotte.
Dus, mester stop di core campaña cu financiamento di campaña ya cu for di 2005 Drs. Rudy Lampe a entrega un mocion na Parlamento. Partidonan politico mester stop di tuma placa y di haci fabornan politico.
Por ultimo Sr. Ricardo Croes a extende un invitacion pa e pueblo di Aruba, pa pasa un dia agradabel cu partido RED, pa nan vlooienmarkt, diahuebs 27 di April. Esaki ta pa partido RED campaña cu e fondonan cu nan tin.