Washington, D.C., MERCA- Presidente Mericano Donald Trump dialuna a bisa cu e Conseho di Siguridad di Nacionnan Uni mester ta prepara pa impone sancionnan nobo contra di Noord- Korea mientras ta reina preocupacionnan cu Noord- Korea lo por test un di seis bom nuclear diamars.
” E sistema di status quo di Noord- Korea ta inaceptabel”, Trump a bisa den un reunion cu e 15 embahadornan di e Conseho di Siguridad di Nacionnan Uni, incluyendo China y Rusia, na White House. “E conseho mester ta prepara pa impone sancionnan mas pisa riba Noord- Korea su programa nuclear y di misilnan balistico”.
Sancionnan mas streng lo por inclui un embargo petrolero, prohibi e aerolinea di North- Korea, intercepta barconan di carga y castiga banconan Chines y otro banconan stranhero di hacin negoshi cu Pyongyang.
Secretario di Estado Rex Tillerson lo dirigi un reunion ministerial di e Conseho di Siguridad di North Korea diabierna pa discuti maneranan pa maximisa e impacto di e sancionnan actual y mustra Noord- Korea cu “lo responde ariba futuro provocacionnan cu medidanan nobo y apropia”.
Rabia riba e acercamiento di e USS Carl Vinson, un Noord- Korea desafiante, cu a haci testnan nuclear y di misil den un desafio di e sancionann implementa exitosamento door di Nacionnan Uni, a bisa cu e despliegue tabata “ un acto sumamente peligroso di parti di esunnan cu kier evita un guerra nuclear”.
“Dos destructor Japones a uni nan mes na e barconan Mericano pa ehercicionan y Korea del Sur a bisa cu kisas e tambe lo mantene ehercicionan naval conhunto.
Autoridadnan Mericano y Surcoreano ta sospecha pa algun tempo caba cu e di seis test nuclear di parti di Noord- Korea lo ta inminente y cu esaki of cualkier otro test di misil lo por coincidi cu e di 85 aniversario di e fundacion di e ehercito di Noord- Korea, diamars.
China, e unico aliado y esun di mas grandi di Noord- Korea, ta rabia ariba su programa nuclear y milistico y su agresividad.
Embahador di Merca na Nacionnan Uni, Nikki Haley a bisa cu Washington y e comunidad internacional ta poniendo presion ariba e lider di Norcoreano Kim Jong Un, pero “no ta purbando di cuminsa un pelea cun’e”.
E tension entre e dos paisnan a bira mas grandi, ora cu Noord- Korea a detene un ciudadano Mericano diasabra na momento cu e tabata kier a bandona e pais.
Fuente: Reuters