Ginebra, SUIZA— Cuestiona pa su rendimento pober y cu varios ekipo tras di dje, e seleccion di Argentia ta pasando den su pio pesadiya: hunga e recta final pa eliminatorio pa mundial sin Lionel Messi.
E astro di Barcelona y e astro di e Albiceleste a wordo suspendi pa cuater partido pa FIFA pa a insulta un linesman den un encuentro siman pasa contra di Chile. Esey kiermen cu Messi no por hunga e ultimo partidonan pa eliminatorio pa mundial.
Tumando na cuenta e pesimo desempeño di Argentina ora cu Messi no ta riba veld, su regreso lo por bin demasiado laat.
E estadistica sin Messi ta preocupacnte pa e ekipo dirigi pa Edgardo Bauza: el a score apenas shete di e 24 puntonan cu a wordo hunga sin e delantero.
E prome reto sin e goleado historico di e Albiceleste y su maximo artillero den e eliminatorio, tin un saldo di un derota diamars di 2-0 contra di Bolivia den 3 mil meter di haltura di la Paz, un escenario caminda cu Argentina no ta gana desde 2005.
Esaki ta un resultado cu ta laga argentina den e limite di e puestonan di clasificacion directo. E cuater promenan ta clasifica pa Mundial 2018
Dia 31 di Augustus e ta hunga contra di Uruguay y na Septmeber y October e lo enfrenta Venezuela y Peru como local. Messi lo por regresa pa e ultimo partido contra di Ecuador.
Pero Brauza a lamenta cu FIFA a duna asina poco tempo pa Argentina por presenta argumentonan na su defensa (di Messi) pero a adverti cu lo tin apelacion.