Pa e parti di e tata cu no a reconoce su yiu por haya e derecho pa haci esaki door di ley, si en caso cu e yiu mes kier. Parlamentario Mervin Wyatt-Ras a splica di un parti di e ley cu tin den e Codigo Civil cu ta ser trata den Parlamento.
Esaki por sosode te hasta ora cu e tata no ta na bida mas. E mucha aki ta bay haya derecho riba tur locual cu e tin mester, tanto e derecho di alimentacion, e derecho di herencia, tur e derechonan aki e mucha aki ta haya. Esaki ta un cambio hopi bon pa motibo cu awendia tin hopi tata cu tin yiu y no ta carga e responsabilidad, papiando en general. E parti aki ta cay mas pa e vaderschap, pa motibo cu tin mas caso di tatanan, pero cu e ora cu e mucha mes por tuma e decision aki. Esaki ta duna mas sosten na e derechonan di mucha y esaki ta algo cu segun Wyatt-Ras, ta di admira.
E parlamentario a comenta cu e tata por bay corte, pero awor aki e mucha tambe ta haya derecho cu ora e bira mas grandi, cu e tambe por cana e caminda ey, caminda e por pidi e tata su fam y tur loke ta mara na dje.
Den e educacion, por bisa cu ora tin e diferente disputanan ora cu ta pasa e voogdij. E ta bisa tambe cu mester tin garantisa pa e mucha tin relacion cu ambos mayor. Cu ambos mayor awor aki, pa medio di Codigo Civil nobo, e mucha aki mester haya oportunidad pa tin un bon relacion cu ambos mayor. Tur dos mester duna di su banda pa nan por tin un bon relacion cu otro. Esey ta algo bon, pasobra den e caso awendia, bo ta haya cu hopi biaha ora di divorcio y tin hopi divorcio, ta haya cu e muchanan e ora ta wordo door di un mayor contra di e otro y vice versa. E ora e mucha mañan, den su futuro, e ta haya hopi problema cu su pareha, e no ta confia ningun hende, e ta haya problemanan di stress, etc. E ta influencia e mucha hopi y pesey tambe den e ley aki ta haci cu ambos mayor mester coopera y si cu e otro mayor no ta coopera, esun di e oportunidad habri pa e cana su caminda pa hues.
E ta duna e mucha aki den e ley aki, hopi derecho. Pesey mes, segun Wyatt-Ras, e articulo por ta e mayornan no ta hay’e bon, pero a lo largo tur mayor lo beneficia di dje, pasobra e mayor no kier mañan pa su yiu tin problema grandi pa motibo cu na e momento ey e tabata tin su problemanan. Tin cu reconoce cu e ta fastioso ora cu mayor por ehempel, e otro a corta e otro su orea y e mayor ta hopi rabia y ta bisa cu e mucha no por bay cu e tata of e mama, segun e Parlamentario.