Siman pasa tabata tin herfst vakantie pa nos muchanan di scol, pero no pa parlamentarionan. Presidente di Parlamento, Mervin Wyatt-Ras, a comenta cu tin parlamentario a biaha durante e herfst vakantie sin avisa nan hefe di trabao, cual ta presidente di Parlamento.
Ta purba di tene na algo y e ta wordo mira of e ta wordo treci den un luz di politica y esey no ta na su luga, segun Wyatt-Ras.
E ta agrega cu si tin parlamentario a bay mes, por imagina cu tin hende cu ta bisa cu tin bay atende cu dokter, manera cu el a haya for di Parlamentario Lopez-Tromp por ehempel. E ta algo cu ta bay tene cuenta, pero no den tur ocasion, cual Wyatt-Ras no por priminti esey, cual ta den interes general y mirando tambe e topico di criminalidad y siguridad, ta un topico cu a wordo palabra y tur caminda cu bay ta papia riba dje. Hasta un demostracion lo bay tin riba dje. E ora ta haya cu en berdad ta un topico cu mester duna e importancia. E ora ta haya si miembronan di Parlamento ta scoge pa bay biaha, ta nan asunto, nan prioridad, e ora no bin confundi’e e ora y bisa cu presidente no por yama reunion.
Esaki ta un situacion onwerkbaar. Mirando cu ta traha den un Parlamento, Wyatt-Ras ta spera cu si en berdad mester bay riba un urgencia, ta sikiera pone na altura cu no tey y esey no a tuma luga. E ora Wyatt-Ras no ta haya cu e criticanan na su persona na su luga, haciendo cu ta cualkier persona lo ta dicidi pe. E parlamentario mester tey pa su trabao. Si e no tey, e ora ta e tin cu carga su responsabilidad. Den esey mester cuadra cu otro si, segun Wyatt-Ras.
E ta sigui splica cu tin recess, esta e temporada di Juli te Augustus y tambe na December. Wyatt-Ras a caba di manda un carta pa Gobierno pa notifica nan pa manda tur e stuknan na tempo pa asina por tene nan recess. Tin biaha ta resulta cu tin algo urgente, pero ta purba di mantene asina y pesey mes tin e recess cu ta oficial. Esunnan cu ta biaha den nan tempo eynan, esey no ta gepast, aunke si nan bay notifica Wyatt-Ras, no ta e parti di caminda cu nan por biaha den e tempo cu no ta indica. Esey no por bin critica e presidenta awor aki. Ta mustra cu Wyatt-Ras ta culpabel, siendo cu e Parlamentario mester carga na propio responsabilidad.