Den medionan di comunicacion por a tuma nota cu e Centro di control di malesanan (the Center of Disease Control) a publica riba nan website cu Mericanonan cu kier viaha pa Aruba pa pasa nan vacacion mester tene cuidow cu e malesa ZIKA. Nan tin cu tuma cierto medidanan di precaucion. Aki a hisa e nivel di precaucion pa cu Aruba. Den su reaccion departamento di salubridad di Aruba a nenga cu lo tin ZIKA. Minister encarga cu salubridad a duna di conoce cu ta trata di
“fake news”.
Sin embargo e informacion riba e website di e Centro di Control no a ser kita. Segun Mervin Wyatt-Ras e informacion aki por influencia un cantidad di turista mericano pa bin Aruba.
En bista cu 80 % di nos ingreso ta procedente di turismo y pues cu nos ta depende asina hopi di turismo, nos por ser afecta grandemente pa un informacion semehante.
Wyatt-Ras y su fraccion ta haya e situacion aki sumamente preocupante y a manda cuatro pregunta pa minister al respecto. E ta spera cu minister por reacciona mas pronto cu ta posibel.
El a puntra kico minister a haci pa coregii e informacion ak? Dicon e informacion aki ainda ta riba e website si minister ta bisa cu e ta fakenews? Kico lo haci al respecto? Si minister por duna Staten informacion encuanto ZiKA, chicungunya e otro malesanan infeccioso na Aruba?
Wyatt-Ras ta spera cu e por haya contesta cu spoed pa Nos turismo, nos pan di cada dia, no ser perhudica.
Attachments