BERLIN, Alemania- E canciyer di Alemania, Angela Merkel, ta prefera eleccionnan nobo na un gobierno minoritario despues di cu combersacionnan pa forma un coalicion a fracasa. Asina Deutsche Welle a informa. Despues di a combersa cu e presidente Frank Walter Steinmeier, Merkel a bisa cu e ta dispuesto na hiba su partido Union Democrata Cristian (CDU) pa eleccionnan nobo.
“Mi ta hopi skeptico”, acerca di lidera un gobierno minoritario, segun Merkel. El a agrega cu e ta dispuesto pa encabesa Alemania pa cuater aña mas, pero el a sinti cu ta necesario un gobierno mayoritario pa e stabilidad di Alemania y Europa.
E declaracionnan di Merkel no necesariamente nifica cu e pais lo enfrenta na eleccionnan anticipa. Prome cu convoca eleccionnan nobo, Steinmeier lo dirigi su mes na otro partidonan pa wak si e por forma un coalicion na ultimo momento.
Dialuna Partido Democratico Liber (FDP) a bandona e negociacionnan pa purba forma un coalicion parlamentario cu e blok di CDU lidera pa Merkel, e Union Social Cristiano (CSU) y e Alianza 90/Berde. Christian Linder, lider di FDP, el a alega cu e no tin niun base comun di e confiansa entre e partidonan.
Si esaki a resulta exitoso, e asina yama coalicion Jamaica, yama asina pa e colonan di e partidonan involucra, lo mester a conta cu 393 di e 709 votonan den e Bundestag (55% di e total) pero despues di e salida di e liberalnan di e negociadonan restante ta conta solamente cu e 44% di e votonan y como tal, no ta logra e mayoria necesario.
Fuente: https://actualidad.rt.com