MERCA – Mericanonan ta acudi e diamars aki na urna pa dicidi kende lo ocupa Cas Blanco den e proximo 4 añanan: Hillary Clinton of Donald Trump.
Clinton y Trump lo drenta den e dia di eleccionnan cu posibilidad di yena na Cas Blanco, pero Clinton tin mas opcion di sigura e 270 votonan electoral necesario pa gana presidencia.
E ultimo resumen di encuestanan di CNN ta duna Clinton un bentaha di cuater punto riba Trump, di 46% na 42%. Den mayoria di e estadonan clave cu lo dicidi, e careda ta preta. Pero si Clinton gana den mayoria di e estadonan cu a vota democrata den e eleccionnan reciente y ta añado na algun di e estadonan indeciso, probablemente e gana e eleccion.
E mapa electoral mas reciente di CNN ta proyecta cu Clinton lo gana 268 voto electoral den e estadonan cu ta solidamente blauw of ta apunta den e direccion ey. Trump tin 204 voto di e estadonan cu ta solidamente cu su partido of ta inclina p’e. Un candidato tin mester di 270 voto pa gana Cas Blanco.
Fuente: CNN en Español