Diabierna, Central ta manda patruya di Noord na Superfood, pa un ladron gara cu man den mansa.
Eynan ta papia cu e gerente di Superfood, e homber yama V, kende a declara cu el a wordo yama pa un trahado, e dama H., kende a bisa V., cu el a scucha algo y a mira un homber ta hinca algo den su carson banda drechi. Segun V., e hunto cu e hefe di e caheranan, e dama S., a bay confronta e sospechoso. S. a puntra e sospechoso si e tin mas articulo cun’e. E sospechoso a nenga esaki. Despues cu S. a puntra e homber algun biaha, e sospechoso a declara cu e tabata tin algun cos mas den su carson. E sospechoso a pone e articulonan na e caha. Segun V. tabata 2 paki di keshi y 2 bleki di cuminda di pushi. E sospechoso a wordo wanta pa V y e dama S den oficina y a yama polis. V. a declara cu den e kantoor e sospechoso a saca e otro paki di keshi y un bleki di cuminda di pushi for di su carson. Patruya a tuma e datonan y a avisa V. pa bay recherche. Patruya a bay cu e sospechoso kende a bisa cu e ta BFH, naci na Merca y biba na Paradera. H. a wordo deteni pa ladronicia y hiba na warda di Shaba, caminda el a wordo presenta dilanti di fiscal auxiliar.
H. a wordo deteni pa mas investigacion. Durante listramento, polis a haya un otro cuminda di pushi den su saco di carson robes. Un proces verbaal a wordo traha. Esaki a wordo confisca y hiba pa recherche na warda pa mas investigacion. Central a wordo poni na altura.