GUANTANAMO, Cuba – Armada di Merca a ordena e evacuacion obligatorio aki di henter e personal no esencial di e base di Guantanamo, Cuba y nan famia dilanti e menasa di horcan “Matthew”, di categoria 4 y cu ta mantene den alerta e parti oost di e isla.
E “evacuacio obligatorio” ta inclui na “dependiente, muchanan di edad escolar, famianan cu necesiddanan special y nan mascota,” Julie Ann Ripley, vocero di e base naval Mericano na Guantanamo, a indica den un comunicado.
Den e base, cu ta alberga un prizon pa sospechosonan di terorismo caminda cu tin actualmente apenas 61 detenido, ta biba rond di 6000 persona, entre nan miembronan di e Armada Mericano y nan famia y trahadonan contrata di Jamaica y Filipinas.
E potente horcan Matthew, cu a descende pa categoria 4 tras di e alcansa diabierna e maximo di 5 riba e escala Saffir-Simpson, a bisa stacionario den mar Carie, Centro Nacional di Horcan a informa.
Matthew, e di cinco horcan di e actual temporada ciclonico den Atlantico, ta presenta bientonan sosteni maximo di 240 kilometer pa ora y aunke apenas el a desplasa den e ultimo oranan, ta spera un “movimento lento pa noordwest” awe nochi.
E horcan tabata situa na 580 kilometer zuid zuidwest di Port-au-Prince, capital di Haiti y na 620 kilometer zuidoost di Kingston (Jamaica), segun boletin di 8’or di anochi ora local ci CNH, cu sede na Miami (Florida).
Pa motibo di Matthew, a mantene un alerta di horcan (paso di e sistema den 48 ora) pa oost di Cuba, desde e provincia di Camaguey, te cu Guantanamo.
Presidente di Cuba, Raul Castro, a biaha pa Santiago de Cuba, oost di e isla, pa supervisa personalmente e preparativonan pa e cercania di e horcan, Matthew, television estatal a informa awe.
Di acuerdo cu pronosticonan, Matthew por yega suelo Cubano entre dialuna y diamars.
Matthew ta e horcan “mas potente” cu a asota e Atlantico desde Felix, cu a causa mas di 130 morto den su paso den Nicaragua na 2007.
Fuente: NTN24