NEW YORK, Merca – Gobierno di Merca ta retira for di e Conseho di Derechonan Humano di Nacionnan Uni. Esaki a wordo anuncia pa e representante Mericano den ONU, Nikki Halley.
Según e agencia Reuters, e medida a wordo tuma den respuesta na e cuestionamento di e politica migratorio di presidente di Merca, Donald Trump. Ademas, e decision lo tin di haber cu loke Washington ta considera como “criticanan inhusto” contra Israel.
• Dia 18 di juni, e alto comisionado di ONU pa Derechonan Humano, Zeid Ra’ad Al Hussein, den marco di un discurso den e di 38 sesion di e Conseho di Derecho Humano di ONU, a urgi autoridadnan di Merca pa caba cu e practica di separacion forsa di yiunan di famianan inmigrante cu ta drenta e pais ilegalmente a trabes di su frontera cu Mexico,
• Al Hussein a describi e practica di e administracion Trump como “abuso intolerabel contra mucha”, recordando cu segun e Asociacion Mericano di de Pediatria (AAP) “ta wordo sanciona pa Gobierno” y por causa “dañonan irreparabel pa henter nan bida”.