MEP no kier tur dia lanta como si fuera cu nan ta critico negativo riba e tema di refineria y trahadonan, ni pa Gobierno ni pa Citgo, pero kier urgi si cu insistencia maximo na Gabinete Mike Eman y Citgo pa duna preferencia na tur e trahadonan local capas, cualifica pa traha den e refineria, segun parlamentario di MEP, Glenbert Croes.
Ora cu mira e noticia cu tin trahadonan, mas di 290 trahado di Trinidad y Tobago y cu kier bin Aruba, ora cu sa cu tin un lista di 340 trahado local cla pa traha den refineria, preferencia mester bay na duna e trahadonan local trabao prome.
No ta contra pa ningun hende di afo bin traha na Aruba, pero mester duna preferencia na e trahadonan den e database y corectamente hendenan ta resaltando. Henter e esfuerso di Citgo Desk cu Gobierno a lanta. Pa MEP ta un fase ora cu tende e propio Gobierno bisa cu lo tin mas trahadonan di afo interesa pa traha den e refineria cu trahadonan local.
Pa prome tin cu realisa cu Aruba ta un isla mas chikito cu e otro paisnan den e region. Pero loke si ta importante cu semper den e 100 aña di historia di operacion di e refineria, loke ta importante ta cu yiunan di tera, trahadonan local, esnan cu a bin for di afo, a haci Aruba nan pais y ta trahando of a traha den e refineria. Nos tin un experiencia hopi cualifica, capas di trahadonan cu por traha den e refineria y MEP ta urgi Gobierno, Gabinete Mike Eman, Citgo pa percura pa duna preferencia na e trahadonan. MEP a keda hopi contento di mira e ceremonia, unda cu tur e contratistanan hunto cu nan trahadonan ta haya nan badge. Ta felicita e trahadonan. Ta felicita tur e contratistanan. Obviamente tin e privilegionan den tur e contratistanan cu a drenta. Tin un contratista ta wordo privilegia den diferente forma den e cantidad di hendenan cu ta traha den e refineria y e rate cu ta wordo paga, pa por paga su trahadonan mas hopi cu e otro companianan. Ta keda vigilante di e privilegio indebido cu ta tumando luga pa un compania en particular, cu ta diki diki liga na Gobierno, pero en todo caso MEP ta resalta si cu e hecho cu tin trahadonan ta drentando, ta un bon noticia.