Lider di MEP Evelyn Wever-Croes atrabes di su pagina di Facebook a expresa su lamento pa e fayecimento di sr. Nilo Croes.
Nilo Croes, abogado, tabata un persona cu un stimacion enorme pa Aruba. Atrabes di su programa semanal INTERES DI PUEBLO e tabata informa comunidad, hunto cu mas orador. Nilo Croes a hiba un bataya cortico, pero fuerte contra e malesa cancer, y a fayece diamars mainta, 20 di December.
“Mi ta cumpli cu e tristo deber di anuncia fayecimento di sr Nilo Croes. Nilo a haya sa di su malesa apenas algun luna pasa. El a lucha duro pero su curpa a cansa.
Nilo a sostene nos partido den bon tempo y den mal tempo. Un perdida hopi grandi sigur sigur. Cu Nilo sosega na pas y cu Dios duna su sernan keri forsa den e temponan aki”.
Nilo su falta lo ta grandi, pero nos ta convenci cu Papa Dios tin un lugar bunita reserva p’e.