MEP: “Ken lo bay paga pa tur e debenan di PPP y e aumento drastico di gastonan di AZV?”

0
RBC Juli 2018
ling and sons porciento
Funmiles-2018

Despues cu Gabinete Wever-Croes a anuncia recientemente cu entrante 1 di juli proximo lo aumenta e BBO (Crisisheffing) cu 1.5% y cu lo aumenta tambe e prima di BAZV cu 1%, un ola di critica a lanta bao di e politiconan di AVP kendenan for di awor caba kier demonisa pueblo cu e aumento di 2.5% aki. Sinembargo ningun di e politiconan aki a para keto un rato y pa realisa pa nan mes den ki desaster financiero nan partido a hinca nos pais aden durante e ultimo 8 añanan. Echo ta cu pa tanto e aumento di BBO como di BAZV tin un hustificacion valido.

Aumento di BBO cu 1.5%
Un y tur den e pais aki por corda con durante Gabinete Eman nan a dicidi di bin cu e proyectonan PPP, esta e Green Coridor, Watty Vos Blvd, Hospital y e MFA-nan y con durante campaña nan tabata gaba con bunita Aruba ta kedando, pero sin splica pueblo cu tur e proyectonan aki a ser construi y financia di adelanta pa banconan y contratistanan internacional y cu e pago di esakinan lo cuminsa asina cu termina cu tur e construccionnan. Sinembargo nunca nan a splica di unda lo saca e placa pa paga e proyectonan aki. Na prome instante nan kier a introduci e Financial Transfer Tax, pero na caminda nan a deshaci di e idea ya cu nan a haya criticanan formal di Banco Central, Camara di Comercio, ATIA y Asosacion di banconan, pero na su lugar nan no a bin cu otro alternativa pa paga pa e proyectonan aki. Echo ta cu e debenan di PPP mester wordo paga y den e tabel adhunto nos por mira cu na 2018 mester paga 65.6 miyon florin y na 2019 mester bay paga 80.5 miyon florin pa aña y pa e proximo 29 añanan. Ta p’esey e gobierno actual a haya ta necesario pa bin cu e Crisisheffing di 1.5% y pa asina por paga e proyectonan PPP aki.

Aumento di BAZV cu 1%
E BAZV di 2% a keda introduci despues cu Gabinete Eman a reduci drasticamente e contribucion di gobierno (landsbijdrage) na AZV. E motibo principal di e reduccion aki tabata cu e gobierno di AVP a crea deficitnan di mas di 400 miyon florin durante 2012-2014. Mientras tanto e gastonan di AZV tambe a sigui aumenta durante e periodo aki, caminda e gastonan total na 2014 tabata 386 miyon florin y a yega 410.8 miyon na 2016. Sinembargo tur cifra proyecta ta mustra cu e gastonan aki lo sigui aumenta na 2017: 427 miyon florin, 2018: 447.7 miyon, 2019: 463.3 miyon y 2020: 475.5 miyon florin. Pues nos tur por mira cu entre 2016 pa 2020, e gastonan total di AZV lo aumenta cu 65 miyon florin. Mirando e desaster financiero y caha bashi cu e gobierno di AVP a laga atras na final di 2017 ta imposibel cu gobierno so lo por carga e aumento di e gastonan di AZV den e añanan venidero. Un gobierno responsabel cu tin e salud di su pueblo na pecho ta haci tur esfuerso pa mantene e cuido medico na un nivel aceptabel y ta p’esey ta pidi pueblo contribui cu e 1% extra di BAZV. Of acaso partido AVP kier pa e cuido medico na Aruba deteriora?

Pregunta final na tur e politiconan di AVP: “Con otro boso kier pa e gobierno actual haya e fondonan necesario pa cubri tur e debenan extra di e proyectonan PPP y tambe haya e fondonan pa cubri e aumento drastico di e gastonan medico di AZV?”

Comments

comments

C: Heineken
new india
dvg